Өмірбаяны

 

Жиеналин Еркін Жұмағазыұлы 1973 жылы 24 тамызда Ақтөбе облысы, Ойыл ауданы, Саралжын кеңшарында дүниеге келген. 1990 жылы Ақтөбе қаласындағы Қ.Жұбанов атындағы Ақтөбе педагогикалық институтының филология факультетіне түсіп, оны 1994 жылы қазақ тілі мен әдебиеті пәндерінің мұғалімі мамандығы бойынша аяқтаған. Еңбек жолын 1994 жылы Ақтөбе облысы Қобда ауданы Новоалексей қазақ орта мектебінен бастап, қазақ тілі мен әдебиеті пәнінің мұғалімі және мектеп директорының тәрбие ісі жөніндегі орынбасары болып қызмет атқарған. 2003-2005 жылдар аралығында Қобда ауданы әкімі аппаратында бөлім басшысы қызметінде, 2006 жылдың мамыр-желтоқсан айлары аралығында И.Құрманов атындағы ауылдық округ әкімі лауазымында, 2006-2008 жылдар аралығында Қобда ауданы әкімінің орынбасары, 2008 жылы маусым айында облыстық «Достық үйі» директорының орынбасары, 2008 жылы қазан айында «Nur Otan» партиясы Ақтөбе облыстық филиалының идеология және қоғамдық-саяси жұмыстар бөлімінің консультанты, 2009 жылы Ақтөбе облысының мемлекеттік қызметшілерді қайта даярлау және олардың біліктілігін арттыру өңірлік орталығында біліктілікті арттыру бөлімінің бастығы, 2010 жылы Ойыл ауылдық округінің әкімі, 2011 жылы «Nur Otan» партиясы Ойыл аудандық филиалы төрағасының бірінші орынбасары, 2019 жылы Ойыл аудандық мәслихатының хатшысы лауазымдарында болған. Отбасылы, отбасында бір ұл, бір қыз тәрбиелеп отыр.